今日活動全賴 MicChow 主催才能成事,我因為好多個星期無踩山了,好想踩。
我最初預算係簡單一點,單飛踩釣魚翁或者龍脊,亦無想過出帖約騎;剛好 MicChow 找我查問一些事情,順便問我星期六可有計劃?結果就生出了『大帽山自由行』的活動,無預定路線,上到荃錦坳再作打算,到時想怎樣就怎樣。
結果今日全團共五人,我、MicChow、雄哥、小島與新朋友 Jason。Jason 其實係新人老手,據其自報已經踩了好多年車,唯中間停了一段日子,近月再重新開始踩車;踩一輛越野配置的車,但係踩 all mountain 路線、落大級完全無問題,真犀利。
雄哥又係一齊踩過好多次車,但係以前因為人多,他又踩得快,我未有機會認識。其餘小島與 MicChow 都是認識好耐的車友了。
今天出發的時間比預算遲了,因為白花半小時找貨灣上荃錦坳。九點鐘錦上路車站集合,結果 10:15 左右才能在荃錦坳開騎。
從離開馬路落山的位置下去河背的路上,算係久疏戰陣的 Jason 小炒一次,我亦派了一次牌,之後好順利的到達光明頂,在光明頂遇到好多玩 DH 的車友預備起步落河背。
我們今天的計劃係經膛呔徑往吉慶橋,途中遇到錦繡軍團正從『上水仔』下來,大講一輪車經之後才繼續各自計劃的路線。
在騎行膛呔徑時,MicChow 解釋為什麼這段路叫膛呔徑,那些石塊是能夠將車呔開膛,真係唔講唔知,那裡好多看來沒什麼的石塊都是有鋒利的邊緣與路徑平行,因而容易將車呔開膛,故車界將光明頂之後的一段路叫作膛呔徑。
在一較畸區的路段,車友小島摔落山徑之下,打了個筋斗,人、車無礙,行程繼續。
在膛呔徑一段較平順的路段,我們的車速好快,騎行途中忽然在山徑上見到一隻果子狸,它見到車來,慌忙中想衝上山,但係上唔到,掉頭想衝落山,但係已被 MicChow 後輪壓著。其實我們與狸之間都差不多時間互相見到,已經剎車避讓,但係因為佢上唔到山坡上,掉頭向下衝時在兩輪之間穿過,致被 MicChow 後輪壓著頸部,動彈不得。我們好快拍了幾張相片就放走它。
我就覺得似貂,但係車友都說是果子狸,其實都唔需要理會係貂或係狸,總之係難得大白天在野外見到動物,從頭到尾,長度約過一米至米半,在小型動物中算是體型較大的。
我就因為近月來較少踩山,從吉慶橋上清快塘與上伯公坳這兩段都踩的比較辛苦。之後行程都算順利,我沒有炒車,車友就有沿途小炒幾次而已。
我們在大棠午飯,講車經,約三時半各自歸家。
路線:
荃錦坳、光明頂、膛呔徑、吉慶橋、清快塘、高速公路、圓墩徑、吉慶橋、伯公坳、荔枝園、大棠、公庵路、體育路、朗屏站
网友评论2条
感谢楼主分享!!!